***ನಾನು ಕಲಿಯುವೆ***
(ಮಕ್ಕಳ ಕವನ)
ಕಲಿಸು ನಿನ್ನ ಒಳ್ಳೆಯ ಗುಣವ
ಬಳಗವ ಕರೆದು ಹಂಚಿ ತಿನ್ನುವೆ
ನಾನು ಬಳಗವ ಕರೆದು ಹಂಚಿ ತಿನ್ನುವೆ ||
ನಾಯಿಯಣ್ಣ ನಾಯಿಯಣ್ಣ
ಕಲಿಸು ನಿನ್ನ ಒಳ್ಳೆಯ ಗುಣವ
ನೀನು ಉಪಕಾರವನು ಮರೆಯಲಾರೆ
ನಿನ್ನ ಗುಣವ ಕಲಿತು ಜಾಣನಾಗುವೆ ||
ಇರುವೆಯಣ್ಣ ಇರುವೆಯಣ್ಣ
ಕಲಿಸು ನಿನ್ನ ಒಳ್ಳೆಯ ಗುಣವ
ಶಿಸ್ತನು ನೀನು ಮರೆಯದೆ ಪಾಲಿಸುವೆ
ಬದುಕಲಿ ಶಿಸ್ತನು ನಾನೂ ಪಾಲಿಸುವೆ ||
ತೆಂಗಿನಮರವೆ ತೆಂಗಿನಮರವೆ
ಕಲಿಸು ನಿನ್ನ ಒಳ್ಳೆಯ ಗುಣವ
ಜಗಕೆ ಕಲ್ಪವೃಕ್ಷವು ನೀನು ಎಂದೆಂದೂ
ನಿನ್ನ ಉಪಕಾರವನು ಮರೆಯೆ ನಾನೆಂದು ||
ಕೋಗಿಲೆ ಹಕ್ಕಿಯೆ ಕೋಗಿಲೆ ಹಕ್ಕಿಯೆ
ಕಲಿಸು ನಿನ್ನ ಒಳ್ಳೆಯ ಗುಣವ
ಚೈತ್ರದ ಸಂತಸ ಹರಡುವೆ ಎಲ್ಲೆಲ್ಲೂ
ಬದುಕಲಿ ಖುಷಿಯ ಹರಡುವೆ ನಾನೆಂದೂ ||
ಆಮೆಯಣ್ಣ ಆಮೆಯಣ್ಣ
ಕಲಿಸು ನಿನ್ನ ಒಳ್ಳೆಯ ಗುಣವ
ಶಾಂತಿ ಸಹನೆ ಏಕಾಗ್ರತೆ ಕಲಿಸು
ಬದುಕಲಿ ಗುರಿಗಳ ಮುಟ್ಟುವೆ ನಾನೆಂದೂ ||
=> ವೆಂಕಟೇಶ ಚಾಗಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ