**ನಾನಲ್ಲ**
(ಮಕ್ಕಳ ಕವನ)
ಆಗಸದಲ್ಲಿ ಕಾಮನಬಿಲ್ಲನು
ಮೂಡಿಸಿದವನು ನಾನಲ್ಲ
ಬಾನಿನಲ್ಲಿ ಹಕ್ಕಿಗೆ ಹಾರಲು
ಹೇಳಿಕೊಟ್ಟವ ನಾನಲ್ಲ..||
ಗಿಡದಲಿ ಚಂದದ ಹೂವನ್ನು
ಅರಳಿಸಿದವನು ನಾನಲ್ಲ
ಮಧುರವಾಗಿ ಕೋಗಿಲೆ ಹಾಡಲು
ಹಾಡನು ಕಲಿಸಿದವ ನಾನಲ್ಲ ||
ರಾತ್ರಿಯ ವೇಳೆ ಬಾನಲಿ ಚುಕ್ಕಿ
ಮುನುಗಲು ಕಾರಣ ನಾನಲ್ಲ
ಚಂದ ಚಂದಿರ ನಮ್ಮನು ಸೆಳೆವನು
ಸೆಳೆತಕೆ ಕಾರಣ ನಾನಲ್ಲ ||
ಗೋಡೆಯ ಮೇಲೆ ಗೊಂಬೆಯ ಚಿತ್ರ
ಬಿಡಿಸಿದವನು ನಾನಲ್ಲ
ಎದುರಿನ ಮನೆಯ ಕೋಣೆಯೊಳಗೆ
ಚೆಂಡನು ಹೊಡೆದವ ನಾನಲ್ಲ ||
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ