ಕಾಮನಬಿಲ್ಲು | ಮಕ್ಕಳ ಕವನ | ವೆಂಕಟೇಶ ಚಾಗಿ | kamanabillu | makkala kavana | venkatesh chagi

 ಕಾಮನಬಿಲ್ಲು

ಏಳು ಬಣ್ಣದ ಕಾಮನಬಿಲ್ಲು

ನೋಡಲು ಎಷ್ಟು ಸುಂದರ

ಸಂಜೆ ಬಾನಿಗೆ ಅಂದಚಂದ

ಭೂಮಿಯೆ ದೇವರ ಮಂದಿರ ||

ತುಂತುರು ಹನಿಗಳ ತಂದಾನ

ದೇವರು ನೀಡಿದ ಅಭಿದಾನ

ಮೋಡದ ನಡುವೆ ರವಿ ಬಂದ

ಕಾಮನಬಿಲ್ಲನು ನೋಡುತ ನಿಂತ ||

ಎಲೆಯ ಮೇಲಿನ ಹನಿಯಲ್ಲಿ

ಕಾಮನಬಿಲ್ಲನು ನಾ ಕಂಡೆ

ಅಮ್ಮನ ಕರೆದು ಬಣ್ಣಗಳೆಣಿಸಿ

ಬೊಗಸೆಯಲ್ಲಿ ಹಿಡಿದುಕೊಂಡೆ ||

ಬಂದರು ಗೆಳೆಯರು ಅಂಗಳಕೆ

ಕಾಮನಬಿಲ್ಲನು ನೋಡಲಿಕೆ

ಕೆಕೆಯ ಹಾಕಿ ಬಂಡೆಯ ಏರಿ

ಜಿಗಿದೆವು ಎಲ್ಲರೂ ಆಕಾಶಕ್ಕೆ ||

ಸೂರ್ಯನು ಈಗ ಮುಳುಗಿದನು

ಅಮ್ಮನ ಮಡಿಲನು ಸೇರಿದನು

ಕಾಮನ ಬಿಲ್ಲದು ಮರೆಯಾಯ್ತು

ನಮ್ಮಯ ಕಣ್ಣಲಿ ಸೆರೆಯಾಯ್ತು ||

=> ವೆಂಕಟೇಶ ಚಾಗಿ

👉ವೆಂಕಟೇಶ ಚಾಗಿ ( about me )

ಮತ್ತಷ್ಟು ಓದಿ

👉 ಕಗ್ಗಗಳು (click here)

👉ಗಜಲ್ ಗಳು (click here)

👉ಕವನಗಳು (click here )

👉ಕವಿತೆಗಳು (click here )

👉ಹಾಯ್ಕುಗಳು ( click here)

👉ಹನಿಗವನಗಳು (click here )

👉ಮಕ್ಕಳ ಕಥೆಗಳು (click here)

👉ಮಕ್ಕಳ ಕವನಗಳು (click here)

Etc