ರೈತ | ಮಕ್ಕಳ ಕವನ | ವೆಂಕಟೇಶ ಚಾಗಿ | raita | makkala kavana

ರೈತ

ಅಪ್ಪನಂತೆ ನಾನೂ

ಒಬ್ಬ ರೈತನಾಗುವೆ

ಉತ್ತಿಬೆಳೆದು ಜನರಿಗೆ

ಅನ್ನ ನೀಡುವೆ ||

ಗೋಧಿ ಜೋಳ ರಾಗಿ

ನಾನು ಬೆಳೆಯುವೆ

ಫಸಲು ಬಂದ ಮೇಲೆ

ನಾನು ರಾಶಿ ಮಾಡುವೆ ||

ತರಕಾರಿ ಹಣ್ಣು ಕಾಳನ್ನು

ಸುತ್ತಲೂ ಬೆಳೆಸುವೆ

ಎರೆಹುಳು ಗೊಬ್ಬರಹಾಕಿ

ಫಲವತ್ತಾದ ಬೆಳೆ ಬೆಳೆಯುವೆ ||

ಮಲ್ಲಿಗೆ ಸಂಪಿಗೆ ಹೂವನ್ನು

ಹೊಲದಲಿ ಬೆಳೆಯುವೆ

ಸುಂದರವಾದ ಹೂವನ್ನು

ಅಮ್ಮನ ಕೈಯಲಿ ನೀಡುವೆ ||

ಆಡು ಮೇಕೆ ಹಸುಗಳನ್ನು

ನಾನು ಸಾಕುವೆ

ಹಾಲು ಮೊಸರು ಬೆಣ್ಣೆಯನ್ನು

ಖಷಿಯಲಿ ತಿನ್ನುವೆ ||

ರಾಮ ಶ್ಯಾಮ ರಹಿಮರಿಗೆಲ್ಲಾ

ವ್ಯವಸಾಯವ ಕಲಿಸುವೆ

ರೈತನೆ ದೇಶದ ಬೆನ್ನೆಲುಬೆಂದು

ಜಗಕೆ ಸಾರುವೆ

ಈ ಜಗಕೆ ಸಾರುವೆ...||

=> ವೆಂಕಟೇಶ ಚಾಗಿ

👉ಮುಂದಿನ ಕವನ

ಮಕ್ಕಳ ಕವನಗಳು